Resultados de Pesquisa

Pedras De Compostela

de Aldonza De Praterias

35,16€ + 10% EM CARTÃO

portes grátis

 En Pedras de Compostela, Aldonza de Praterías debulla as súas lembranzas para referirlle á cidadanía os sucesos acaecidos ao longo de séculos en Compostela. Aldonza observou desde finais do século XI a cantos franquearon os limiares da porta do Perdón, na fachada de Praterías, sentido en cada momento o latexo da cidade. Mercedes Gualteria Pintos Barreiro, a autora de Pedras de Compostela, móvese animada pola esperanza que a cidadanía compostelá redescubra a adúltera pillada en flagrante, esa marabillosa escultura románica da catedral, e que a reincorpore ao seu patrimonio persoal. Pedras de Compostela reúne sesenta e oito fermosos textos, acompañados de fotografías de Manuel G. Vicente, que percorren a historia de Compostela durante nove séculos e acrecentan o gozo de vivir nesta cidade de pedra. Como afirma José Mª Díaz, Deán da catedral de Compostela, no prólogo, Aldonza -"esa Aldonza feminista precoz, reivindicativa e, por momentos laicista militante"- "debeu de escapar durante moitas noites do seu posto", tanto para estudar de seu os espazos interiores da Catedral como para atender o paso dos peregrinos ou seguir o desenvolvemento da cidade: traída de augas, fontes, hospitais, institucións docentes, etc.
Antela, A Memoria Asolagada

de Xose Luis Martinez Carneiro

38,68€ + 10% EM CARTÃO

portes grátis

 Ó sudeste de Galicia, na comarca da Limia, existiu ata 1958 unha das lagoas máis importantes da Península Ibérica, tanto pola súa extensión -arredor dos 42 km2-, como pola súa riqueza: arqueoloxía, paisaxe, antropoloxía, historia, bioloxía, toponimia, fauna, flora e folclore característicos. Antela, a memoria asolagada ofrécenos un amplo percorrido fotográfico polas diferentes faces da Lagoa dende a súa desecación ata os actuais traballos de concentración parcelaria, e mais un conxunto de estudios científicos que permiten coñecer a interrelación do ser humano coa veiga antelá ó longo dos séculos.
A Terra De Soneira No Corazón Da Costa Da Morte

de Evaristo Domínguez Rial, Roberto Mouzo Lavandeira, Xan Fernández Carrera, Xo Rei Lema e Xosé Mª Lema

21,35€ + 10% EM CARTÃO

portes grátis

 Comeza este libro cunha xustificación da personalidade específica da comarca demostrando con documentos e cartografía histórica a existencia dun territorio diferenciado con este nome desde hai mil cen anos. Os dous seguintes apartados non adoitan figurar nas guías habituais: a análise da forma de falar dos soneiráns e un estudo sobre os apelidos máis frecuentes desta zona. Logo vén unha intrudución xeográfica: natureza e paisaxe, onde se diferencia a Soneira interior e unha máis reducida Soneira da beiramar. Ofrécese despois unha visión da historia da comarca desde os tempos prehistóricos aos contemporáneos e, a continuación, as ricas manifestacións artísticas desde o megalitismo á actualidade. Tamén se considera de interese o rico patrimonio etnográfico, de aí a necesaria referencia á arquitectura popular e etnográfica (a casa labrega e mariñeira, os hórreos, os muíños, os batáns etc.). Sen esquecer a referencia á senlleira e refinada artesanía soneirá, que ten no encaixe de Camariñas unha recoñecida proxección universal e na recuperación dos labores do liño un modelo a seguir de como a recuperación dos vellos oficios pode servir de elemento dinamizador dunha comarca. Outros dos aspectos importantes son os persoeiros nacidos nalgún dos tres concellos, a rica gastronomía, as festas tradicionais máis importantes, os eventos instituídos modernamente con notorio éxito de público: o festival folk da Festa da Caballeira de Zas, o Asalto ao Castelo de Vimianzo, as rapas das bestasà Un apartado especial son as rutas para coñecer a comarca. Propóñense rutas xerais e rutas específicas como a arqueolóxica ou a dos Penedos de Pasarela, os de Traba, os do Piñeo, os do Penal do Veo e os do Corveiro.
Todo Sobre O Fútbol Galego

de Carlos Freire Cordeiro

21,35€ + 10% EM CARTÃO

portes grátis

 En Todo sobre o fútbol galego temos unha visión panorámica do fútbol en Galicia, un enfoque que permite ver en perspectiva e dun xeito ecuánime a historia deste deporte desde os seus inicios até os nosos días. Precisabamos saber máis dos grandes xogadores e xogadoras, da canteira ou foráneos, que militaron nos nosos clubs: cal era a súa forma de xogar, como se enfrontaron á vida nun terreo de xogo e que sentiron e dixeron nos momentos clave. Tamén cumpría revisar o paso dos diferentes equipos galegos polos torneos máis importantes, a actitude das afeccións, os acordos acadados polos presidentes e as tácticas dos adestradores. Todo sobre o fútbol galego dá resposta a estas preguntas. Presenta a información en forma de amena crónica xornalística, con humor e mesmo con certo toque literario. Viaxa no espazo e no tempo asistindo a cada partido decisivo para lle dar voz aos protagonistas. Ofrece os datos salientables e afonda nos temas cando estes o requiren. Este é, en definitiva, un libro escrito para todos e para todas, mesmo para aqueles aos que non lles gusta o fútbol.
Abecedario Das Mantenzas

de Fausto Galdo

44,80€ + 10% EM CARTÃO

portes grátis

 O doutor Fausto Galdo, na estela do xenial Cunqueiro, realiza un percorrido por toda a xeografía gastronómica galega de onte e de hoxe. O Abecedario das mantenzas é, en palabras do historiador e académico Xosé R. Barreiro Fernández, un dicionario dos nosos peixes, froitas, carnes, mariscos, viños..., pero tamén da forma de adubalos e cociñalos sen excluír os nomes e as obras dos mellores coñecedores da cociña galega nin descartar noticias, proverbios, cantigas, ditos e lendas sobre a nosa gastronomía. Este libro resulta algo ben diferente daquelas obras que só pretenden ser un receitario práctico e que deixan de lado toda a cultura que encerra a arte culinaria. Ademais, Fausto Galdo, na súa condición de médico, infórmanos do necesario equilibrio que debe producirse entre os praceres da comida e a saúde das persoas. Cun tratamento divulgativo, recolle o autor a presenza das nosas mantenzas na tradición oral e na produción literaria que vai de Afonso X o Sabio ata Rosalía ou o propio Cunqueiro, e converte este abecedario nun libro de lectura áxil e recorrente.
Cabalos De Vento. Curros De Pedra

de Xavier Teniente e Xosé Guillermo

24,41€ + 10% EM CARTÃO

portes grátis

 O fotógrafo Xavier Teniente e o pintor Xosé Guillermo, recentemente desapareci-do, desenvolveron en Cabalos de vento. Curros de pedra un inédito proxecto de creación visual: o de recoller en fotografía e debuxos a xornada dun curro. O resultado é este formidable e impactante volume de coidadísima edición, onde as fotografías en branco e negro de Teniente dialogan cos debuxos, iconos e textos poéticos de Xosé Guillermo reflectindo toda a fermosura do negro acibeche destes cabalos de vento. Dende a xuntanza das greas na mañanciña da fin de maio, baixo as néboas escuras e grises, até as tarefas de besteiros e aloitadores cando se espreguiza a tarde, este libro constitúe unha das testemuñas máis fermosas que se teñan feito nunca sobre o mundo do cabalo en Galicia e a cultura da rapa das bestas.
A Coruña De Pedro Ferrer

de Carlos Diaz Martinez

ESGOTADO OU NÃO DISPONÍVEL
Dicionario Dos Seres Miticos Galegos

de Xose Miranda

ESGOTADO OU NÃO DISPONÍVEL

NÃO ENCONTROU O QUE PROCURA?

Faça consulta pelos temas do menu.

Consulte os critérios de pesquisa na ajuda .

E por fim, se necessário, utilize a opção procuramos por si .