O Pequeño Azul. A Terra E O Sistema Solar (Nivel Ii). Aprendo Con Proxectos

Aprendo con proxectos é unha proposta de aprendizaxe baseada en proxectos que nace da experiencia e da práctica en centros. En Aprendo con proxectos o alumno é protagonista da súa propia aprendizaxe para contribuír ao desenvolvemento de persoas competentes, creativas e comprometidas co seu contorno. Todos os nosos proxectos parten da necesidade de buscar unha resposta a un reto, próximo aos intereses e á realidade dos alumnos. Ao longo do proxecto retómase constantemente o reto para manter activa a motivación dos alumnos. Incluímos unha narrativa a partir dun fío condutor e uns personaxes ou referentes que acompañan, aconsellan e animan á súa consecución. Ademais, os distintos produtos intermedios que se solicitan están orientados a avanzar ou facilitar a realización do reto. Partimos duns retos caracterizados polo seu compoñente social, cun impacto sobre o crecemento persoal do alumno e no seu contorno máis próximo (escola, familia, barrio?). Por iso, en todos os nosos proxectos damos unha importancia clave á difusión final á comunidade educativa. Os alumnos aprenden facendo e reflexionando sobre o que fan; identifican problemas e buscan solucións; planifican, investigan, experimentan, crean e difunden para alcanzar o contido curricular marcado. As ferramentas e as actividades propostas tratan de impulsar as emocións que favorecen a aprendizaxe do alumno: curiosidade, confianza e alegría. Achegamos estratexias para detectar o clima emocional da aula e o estado anímico ante distintas situacións, con propostas de intervención por se fose necesario.