Search Results

Economía Básica

by Xulio Pardellas De Blas

22,38€ + 10% CARD

free shipping

 Este manual pretende ofrecer unha síntese dos conceptos máis elementais da ciencia económica, utilizando unha linguaxe veciña ás informacións que sobre estes temas reciben acotío os cidadáns nos medios de comunicación, mais presentados co rigor necesario para manexalos con precisión. Organizado en catro grandes partes, na primeira, preséntanse os conceptos e principios da ciencia económica; na segunda, debúllanse os elementos para entender a actuación do mercado, estudando o comportamento dos consumidores e mais a caracterización da oferta; na terceira, analízase a actividade económica, explicando a importancia dos recursos, a evolución dos sectores produtivos e o papel do Estado na economía mundial e as organizacións internacionais relacionadas coa economía, fornecendo unha breve visións das consecuencias actuais no mundo rico e nos países atrasados. Un manual, tan actualizado como didáctico, dirixido a todas aquelas persoas que deban ou queiran adquirir coñecementos esenciais de economía.
Fendas Abertas

by Carlos Taibo

21,35€ + 10% CARD

free shipping

 Fendas abertas céntrase na idea da cuestión nacional, abordando a súa relación coa globalización, coa esquerda e o Estado; co papel asignado a Galiza no magma xeral da globalización capitalista; coa singularísima condición dun nacionalismo, o español, de sempre esquecido; e, en suma, a natureza da cuestión nacional na Unión Soviética e o acontecido na Europa central e oriental contemporánea, no que a aquela atinxe, nos dous últimos decenios. O libro, escrito nunha linguaxe sempre comprensible, desenvolve perspectivas que non son, con claridade, as que defenden a maioría dos estamentos de poder no mundo contemporáneo; e configura un material polémico desde o que repensar moitas das discusións, a miúdo agres, que se interesan pola cuestión nacional a principios do século XXI.
Disidencia Ferida

by Xabier Alcalde

21,35€ + 10% CARD

free shipping

 A gravidade do sentimento da vida desaloxada vese acompañada pola aguilloante conciencia desta inmensidade inabordable que é o gozo de estar vivo. Este libro, mediante unha estratexia literaria que deixa fecundar a análise coa experiencia do padecer, quere internarse nesa conflitividade existencial, rastreando as pegadas do devastador malentendido que goberna as nosas vidas. Tentativa que se lle presenta á intelixencia acosada por unha soidade impotente, como o estímulo fundamental para a intervención política, contrapunto necesario da efusión poética que quizais poida avivar as voces caladas polo confortable silencio que a compra do ser impón a este canto endexamais culminado que somos.
Racionalismo Político E Literario

by Maria Xose Queizan

14,78€ + 10% CARD

 Neste volume ensaístico María Xosé Queizán pretende concertar as ciencias coas humanidades baseándose na convicción de que a literatura, como a ciencia, empeza no mundo real e ambas as dúas proxectan a presenza humana a todo o universo. Catro ensaios onde se defende a concepción da literatura como un traballo racional, unha actividade pensante relacionada coa realidade e coa verdade. Textos nos que se analiza o tránsito das ciencias ás artes para recuperar os principios da Ilustración (a verdadeira revolución das palabras) presentes no feminismo racionalista. Recuperar a escrita como unha forma de resistencia cultural, buscar o compromiso literario asumindo a condición humana, desmitificar a escrita comedida e conformista, propóñense como estratexia para reintroducir o discurso racional no ámbito literario e político.
Chispas De Quesada

by Quesada

22,38€ + 10% CARD

free shipping

 O presente volume, Chispas de Quesada, constitúe unha antoloxía de máis de duascentas viñetas, da colaboración diaria que Quesada mantén de forma ininterrompida en Faro de Vigo durante os últimos corenta anos. Unha antoloxía, impregnada da súa visión irónica e crítica da vida, que constitúe un percorrido pola actualidade política, social e deportiva de Galicia e, especialmente, da cidade de Vigo, desde 1967 á actualidade. A emigración, a transformación da cultura tradicional galega, o desemprego, os avatares da política internacional, a corrupción política, o problema das comunicacións, as promesas dos políticos, as relacións de parella ou diversas homenaxes aos amigos, son algúns dos temas abordados nesta antoloxía polo decano dos humoristas gráficos galegos en exercicio.
O Rio Do Esquecemento

by Manuel Mandianes

21,35€ + 10% CARD

free shipping

 Manuel Mandianes ofrécenos en "O río do esquecemento" unha vizosa achega á identidade colectiva dos galegos a partir da reconstrución da longuísima tradición de estudos antropolóxicos e etnográficos dedicados a Galicia. En "O río do esquecemento" analízase, primeiramente, a violencia con que, segundo os autores clásicos, os habitantes do Noroeste peninsular defenderon afoutadamente a súa terra, despois estúdase a identificación dos galegos como descendentes da raza celta que inspiraron a moitos intelectuais do século XIX, e avalíase o labor do Seminario de Estudos Galegos e da Xeración Nós, que definiu o pobo galego como independente mais non independentista. Por último, dáse conta de cómo, malia o apego á terra natal, os galegos saímos con moita frecuencia da nosa Terra pola necesidade económica e metafísica, de viaxar e "coñecer mundos", e reflexiónase tamén sobre as nosas preocupacións pola derradeira viaxe ao máis alá.
O Voluntariado Social

by Santiago Gonzalez Avion

19,88€ + 10% CARD

free shipping

 Neste tempo de recoñecemento do voluntariado, o autor propón nun mesmo texto ensaístico un manifesto a prol do voluntariado, unha análise crítica deste fenómeno, unha caixa de ferramentas para animadores e responsables de voluntariado, e, se non abondase, unha achega conceptual novidosa sobre o pensamento social en Galicia. Unha obra con vontade explícita de intervención que ao mesmo tempo que ilusiona critica; unha obra ao tempo instrumental e teórica sobre o voluntariado social concibido e pensado dende Galicia como unha achega necesaria a un proxecto de humanización da convivencia planetaria. Unha proposta ética sobre un camiño posible para a humanización da convivencia. González Avión propón nesta segunda entrega da serie XERAIS ENSAIO, bebendo das fontes da democracia cristiá, da socialdemocracia e das novas ideas da democracia radical e participativa, unha reflexión crítica sobre a natureza e sobre a articulación social do voluntariado, sexa en relación ao Estado e ao Mercado, sexa na correlación entre as organizacións e as persoas, reparando en diversoas aspectos desta práctica socialmente transformadora: a sensibilización, a convocatoria, a acollida, a maduración persoal e grupal, a formación e sobre todo a profundización sobre a experiencia e as relacións interpersoais. E esta crítica a realiza González Avión dende o marco apaixonado do compromiso persoal e social: un paixón que nos leve a comprometer a vida e a procurar a xustiza.
SPANISH

El Azabache Y Su Cultura En La Peninsula Iberica

by Ángel Cardín Toraño

30,07€ + 10% CARD

free shipping

 El sabio romano Plinio (23-79 d C.) dice en Lapidario: La piedra azabache (gagates) toma su nombre de la ciudad y el río Gagas de Licia. Es negra, lisa, porosa, ligera, frágil. Quemada exhala un olor desagradable y calentándola atrae, como el succinio [ámbar] a los cuerpos que la tocan. Al arder, sus humos hacen huir a las serpientes y desaparecer la histeria. Esos humos hacen descubrir la epilepsia y la virginidad. Cocida en vino, cura los dolores de muelas y, mezclada con cera, las escrófulas. Los magos en la sesión llamada axinomancia la utilizan y afirman que no quema totalmente si lo que se desea se va a cumplir. Estas virtudes del azabache, recogidas por Plinio, han sido copiadas a lo largo de quince siglos por sabios y estudiosos de diferentes culturas y religiones: escritores romanos, Santos Padres, médicos famosos, estudiosos de la naturaleza, etc. Pero, ¿de dónde nacen estas asombrosas propiedades?
Mary Wollstonecraft Shelley E A Súa Criatura Artificial

by Maria Xose Queizan

21,35€ + 10% CARD

free shipping

 A escritora británica Mary Wollstonecraft Shelley espertou cedo o interese dos estudos feministas. A súa completa educación, pouco habitual nas mulleres da época, permitiulle crear a figura literaria de Frankenstein. Nese ensaio, a escritora María Xosé Queizán, coa excelente pulsión literaria que a caracteriza, adéntrase na personalidade da creadora británica, convidándonos a unha viaxe a través da súa biografía, a través do contexto sociopolítico do seu tempo, da revolución industrial, e tamén en torno ao poder que emana do seu personaxe de ficción, o imperecedoiro Frankenstein e o seu significado posterior. Mary Wollstonecraft Shelley herda da súa nai, a autora da Vindicación dos dereitos da muller, morta dez días despois do parto, a súa conciencia feminista e a busca dun racionalismo ilustrado.
George Steiner En The New Yorker

by George Steiner

32,11€ + 10% CARD

free shipping

 Entre os anos 1967 e 1997, George Steiner escribiu máis de cento cincuenta artigos para o semanario The New Yorker sobre unha grande variedade de cuestións, conseguindo achegar, non só a intelectuais con formación literaria, senón ao que se adoita chamar «o público xeral», libros novos e vellos, ideas complexas e temas inusuais. De entre todos eles, Steiner reuniu neste volume medio cento deles, unha auténtica colección de alfaias, que abordan boa parte dos principais problemas do ameazado futuro da cultura contemporánea. Artigos sorprendentes pola súa sinxeleza vivida e pola súa poderosa capacidade pedagóxica. Ensaios literarios caracterizados polo rigor e a sabedoría e comprometidos coa seriedade, mais tamén atravesados pola ironía e o humor, ferramentas coas que Steiner analiza con xenerosidade as obras de autores como Walter Benjamin, Lévi-Strauss, Cioran, Canetti, Beckett, Borges, Bertrand Russel, Brecht, Canetti, Celine, Kafka ou Chomsky. Neste libro Steiner ofrece, ademais, unha guía de lecturas que comeza coa literatura do Gulag e remata coa historia do xadrez. Todo un século literario desfila por estas páxinas deslumbrantes de intuicións e saber, xa que como sinala Robert Boyes no prólogo, George Steiner considera que a principal misión do escritor é educar e conmover, esforzándose sempre por distinguir o mellor do óptimo, nun «permanente encontro co novo e o difícil».
Ramón Cabanillas, Cambados E O Mar Da Arousa

by Francisco Fernandez Rei

29,51€ + 10% CARD

free shipping

 Ramón Cabanillas, o «poeta arelado», é o centro de case todos os textos deste libro do profesor Francisco Fernández Rei (21 éditos e 9 inéditos) sobre a memoria de Cambados e, particularmente, a súa cultura mariñeira; sobre a entrega xenerosa do autor de "Vento mareiro" á dignificación de Galicia e á construción do galego literario, e sobre a presenza do mar da Arousa na súa obra e na doutros escritores, mesmo da Galicia interior, o que fai que ese mar sexa o de maior presenza na literatura galega moderna. Os textos, redactados entre 1999 e 2014 (agás dous do 1977), agrúpanse en cinco apartados: I) a memoria e as paisaxes de Cambados, II) notas biográficas e literarias de Cabanillas, III) a fala de Fefiñáns e a lingua literaria do escritor cambadés, IV) o mar en Cabanillas e o literario mar da Arousa, V) reivindicación e valorización de Ramón Cabanillas, símbolo do movemento agrarista e poeta das Irmandades da Fala, que no «inverno» franquista mantivo o compromiso co idioma e que nos anos cincuenta se embarcou na resistencia cultural do galeguismo.
Galicia: Un Pobo Con Futuro?

by Manuel Blanco Desar

21,35€ + 10% CARD

free shipping

 Galicia é o seu pobo. Galicia é un corpo social con personalidade de seu. Se o pobo galego avellenta e torna feble, Galicia tamén o fará. Desde esta óptica, o Instituto de Estudos das Identidades, encadrado no Museo do Pobo Galego, decidiu pór en marcha uns foros de reflexión e debate sobre o grave reto demográfico que afronta o País. Este libro nace desa iniciativa e das achegas dunha escolma de expertos e persoeiros que avalían as causas, consecuencias e remedios precisos que atinxen a nosa baixa fecundidade como ser colectivo. Os desafíos non se superan ignorándoos. Tampouco este. Por iso, situar o problema na axenda e na ágora públicas resulta imprescindible. O compromiso co futuro do noso pobo demanda que se fale con paixón e rigor sobre como superar esta situación, na que levamos instalados máis de dúas décadas. Galicia sobreviviu a unha chea de circunstancias adversas durante séculos, pero nunca encarou un reto semellante ao que vén padecendo desde hai anos. Morren máis galegos dos que nacen, e con ese déficit vital o País vai esmorecendo. Pero non é tempo de laios, nin de remorsos ou reproches. É tempo de espertar e traballar xuntos por unha Galicia vizosa e nova, orgullosa do seu pasado e afouta cara ao seu porvir.
Juan Rof Codina

by Diego Conde Gomez

22,38€ + 10% CARD

free shipping

 Os cambios que se produciron no campo galego entre o século XIX e o XX, non poden ser entendidos sen o coñecemento da labor de persoas e colectivos, que loitaron por introducir e difundir no noso país os novos progresos técnicos que viñan do resto de España e Europa, sacando a Galicia da crise agraria de fins do século XX. Neste libro faise un percorrido sobre as transformacións que durante este período se levaron a cabo na Gandaría e Veterinaria galega, de mans do que foi un dos seus principais promotores, Juan Rof Codina (1874-1967). Co seu labor pedagóxico soubo canalizar as inquedanzas de renovación que agromaban no ámbito agropecuario, e reivindicar o papel protagonista que a profesión veterinaria demandaba para a súa dignificación. Nesta obra pioneira nos traballos históricos sobre a Veterinaria galega faise un estudo crítico e multidisciplinar da figura do que ata agora estaba considerado como o factótum dos progresos técnicos e da mellora da gandaría galega. Unha obra, pois, onde se recolle e se pon en valor, non só a obra hemerográfica de Rof Codina, senón que tamén se recupera unha parte importante da memoria gráfica para a historia agropecuaria galega, a través das achegas do seu fondo fotográfico.
SPANISH

Cuarto Cuaderno De Lectoescritura Para El Alumno. Enseñame A Hablar

by Gloria Lopez Garzon

8,28€ + 10% CARD
SPANISH

Tercer Cuaderno De Lectoescritura Para El Alumno. Enseñame A Hablar

by Gloria Lopez Garzon

8,28€ + 10% CARD
SPANISH

Segundo Cuaderno De Lectoescriturapara El Alumno. Enseñame A Hablar

by Gloria Lopez Garzon

8,28€ + 10% CARD
SPANISH

Primer Cuaderno De Lectoescritura Para El Alumno. Enseñame A Hablar

by Gloria Lopez Garzon

8,28€ + 10% CARD
SPANISH

Razonamiento Lógico Matemático 5

10,19€ + 10% CARD
O Gabinete Das Marabillas De Arxentino Da Rocha Alemparte

by Irene Perez Pintos e Rodrigo Pérez Pintos

OUT OF STOCK OR NOT AVAILABLE

 Ernest Hemingway dixo do galego universal Arxentino da Rocha Alemparte (Xunqueira de Ambía, 1886-Camagüey, 1959) que «de non ser galego, só sería crible como personaxe literario». Xeneroso filántropo, como tantos outros indianos, o proxecto persoal para el máis querido foi o seu museo de Xunqueira de Ambía, coñecido informalmente como O Gabinete das Marabillas de Arxentino da Rocha Alemparte polas súas indiscutibles similitudes coas renacentistas coleccións de curiosidades -chamadas wunderkammers, gabinetes de curiosidades, cuartos de marabillasà-, xerme dos museos actuais. Destinado a instituírse como un espazo pedagóxico único e posiblemente irrepetible, estaba repleto de pezas singulares, obxectos fabulosos, espécimes exóticos, seres monstruososà, pero o soño viuse truncado polo estalido da Guerra Civil española de 1936-1939. Sen chegar a ter visita ningunha, o museo ficou pechado como un paquete de agasallo que nunca vai ser aberto. Só un reducido grupo de persoas tivo acceso dende entón aos seus intactos tesouros, respectados polas autoridades fascistas a causa da fonda relixiosidade das irmás de Arxentino e das súas xenerosas doazóns á diocese ourensá, que fixo o museo inmune a calquera intervención ou mesmo expropiación, mentres as súas salas se seguían nutrindo, ata a súa doce morte, dos incesantes envíos do xunqueirán. Grazas ao presente volume, produto de máis dunha década de erudita investigación por parte dos irmáns Pérez Pintos, o Gabinete das Marabillas de Arxentino da Rocha Alemparte amósase agora en todo o seu esplendor aos nosos ollos atónitos, saldando a débeda da sociedade galega coa arela educadora do noso ilustre compatriota.
SPANISH

Cuaderno De Composicion Escrita 1

by José Luis Luceño Campos

OUT OF STOCK OR NOT AVAILABLE
SPANISH

Aprendo Palabras 4. Los Alimentos

by Vv.Aa.

OUT OF STOCK OR NOT AVAILABLE
SPANISH

Aprendo Palabras 3. El Cuerpo Y Los Sentidos

by Vv.Aa.

OUT OF STOCK OR NOT AVAILABLE
SPANISH

Aprendo Palabras 2. El Otoño

by Vv.Aa.

OUT OF STOCK OR NOT AVAILABLE
SPANISH

Aprendo Palabras Nº 1. El Colegio

by Vv.Aa.

OUT OF STOCK OR NOT AVAILABLE
Loading results...

View more results