Search Results

A Gardería De Dona Bixelmina

by Jacobo Fernandez Serrano

10,14€ + 10% CARD

 Lucas Leoncavalo vive no circo onde traballan os seus pais. Cando o circo pechou, Lucas xa non será nin domador nin trapecista e será obrigado a ir á gardería de dona Bixelmina, que está invadida por virus e microbios. Lucas Leoncavalo terá en seme-llante gardería que loitar contra estes terribles bichos que contaxiaban a meniños e meniñas otites, catarros, gripes, lombrigas e pulmonías, conseguindo vencelos. Mais o que non contaba Lucas era que tamén debería vencer á terrible dona Bixelmina. A gardería de dona Bixelmina, escrito e ilustrado por Jacobo Fernández Serrano, é un álbum para primeiros lectores sobre o mundo do circo e das enfermidades conta-xiosas que se producen nas primeiras idades.
Morris Milpes

by Mick Fitzmaurice

10,14€ + 10% CARD

 O soño de Morris Milpés é converterse en bailarín de ballet, pero a súa familia, que vive en Coles de Bruxelas nunha casiña feita de follas de cabaza, rise del. Como demo vai poder bailar un milpés? Non obstante, Morris aspira a ser o primeiro milpés que forme parella de baile coa dama Arácnida Arañeira a famosa bailarina de ballet, razón pola que cando os seus outros amigos e irmáns saían xogar, quedaba na casa a bailar co reflexo del no espello como parella. Grazas a axuda do Escornabois, Morris porfiará e porfiará na súa teima. Farase realidade o seu soño? "Morris Milpés" é un conto de Mick Fitzmaurice e ilustrado polo xaponés Satoshi Kitamura, cheo de ironía, sobre a condición do diferente que confronta os seus soños, decisións e desexos coa opinión dos demais. Un dilema do que o protagonista sairá adiante coa axuda do humor e do seu propio esforzo de superación.
Xelo, O Carteiro Xurelo

by Mau

9,13€ + 10% CARD

 A nova colección Polo Correo do Vento, preparada por Mau e Pin, dirixida a escolares de seis anos en diante, está concibida para inicialos no coñecemento da natureza galega e doutros temas relacionados coa cultura de noso, ademais de facer moito fincapé na onomástica galega. Xelo, o carteiro xurelo, está protagonizado por algunhas das nosas especies máis emblemáticas da nosa fauna mariña (o polbo, o linguado, o rodaballo, o peixe sapo, a sardiñaà), presentando diversos obxectos de uso cotián e algúns dos espazos naturais protexidos da nosa beiramar (as dunas de Corrubedo, a praia das Catedrais, a Lanzada, a praia de Carnotaà). Cada un dos volumes complétase cun epílogo, "¿Qué aprendiches?, con actividades lúdicas que pretenden facilitar o labor dos pais ou dos mestres á hora de traballar a comprensión do texto, ademais dunha páxina dedicada a colorear os animais protagonistas de cada un dos volumes.
Flanagan 007

by Andreu Martín e Jaume Ribera

16,82€ + 10% CARD

free shipping

 A irmá de Flanagan e o seu mozo desapareceron. Parece que ámbolos dous traizoaron a unha ong, roubando unha enorme cantidade de cartos destinada a un país do Terceiro Mundo. Flanagan non pode crer esta versión dos feitos, pero é evidente que dentro da ong hai unha «toupa» e que alguén ten interese en que estes cartos non cheguen a ese país. De Barcelona a Madrid, axudado e aparvado ao mesmo tempo por Bruna, unha rapaza que escapou da casa, Flanagan emprenderá a súa carreira contra reloxo na procura da súa irmá e da posibilidade de recuperar os cartos para os seus destinatarios.
O Derradeiro Irman

by Nathacha Appanah

16,82€ + 10% CARD

free shipping

 Cando David se lle aparece en soños, Raj prende na memoria da súa infancia: os campos verdísimos da illa tropical onde naceu, o arrecendo e o sabor das froitas e das bágoas, o seu pai e a súa violencia tan previsible, a tenrura da súa nai, os dioivos destrutivos e aquel sol abrasador, os seus irmáns desaparecidos na enchente e a instalación da familia preto da cadea onde vivían uns misteriosos refuxiados. O 26 de decembro de 1940, o Atlantic atraca en Port-Louis, con 1.500 xudeus a bordo, rexeitados de Palestina e deportados á illa Mauricio, entón colonia británica. Daquela Raj non sabía moito sobre o mundo, nin tampouco sobre as traxedias que estaban acontecendo. Tiña dez anos. A curiosidade levouno xogar no bosque da cadea onde traballaba o seu pai e desde alí viu a David no patio da cadea. Sabía que deberían ser amigos. Unha novela conmovedora, que posúe a sonoridade dunha canción triste, onde cada frase pode chegar a emocionar. Unha novela aclamada polos lectores en Francia, onde obtivo os premios de novela FNAC 2007, o dos lectores de LÆExpress 2008 e o Cultura e Bibliotecas para Todos 2008.
Venres Ou A Vida Salvaxe

by Michel Tournier

15,79€ + 10% CARD

 Robinsón, o home que organiza "civilizadamente" o seu vivir solitario nunha illa deserta, atópase con que ten moito que aprender de Venres, o "salvaxe" que chega cabo del. Velaquí unha visión actualizada do mito robinsoniano: os chamados salvaxes son persoas cunha civilización diferente da nosa. A actitude de superioridade de Robinsón con Venres agacha o racismo máis inxenuo e unha patética incultura. Ben mirado, o diálogo de Robinsón e Venres é o problema Norte-Sur, a tensión entre os países industrializados e o terceiro mundo.
Area Maior

by Manuel Martinez Barreiro

12,74€ + 10% CARD

 As augas frías e ameazadas da praia dos Muíños, en Area Maior, onde Galiza se finisterra, son escenario dunha importante batalla pola defensa do mar e dos seus habitantes. Adrián, o cangrexo ermitán, o polbo don Paulo, o berberecho Lucho, a ameixa Rosalinda, Simón o mexillón, o centolo Camilo, a maragota Lola, e tantos outros, resístense a vivir en areas avoltas e augas toldadas, baixo a eterna ameaza dos Bocatorta, e deciden organizar unha insurrección que dan a coñecer a través da Declaración da Praia de Area Maior. Este libro, escrito por Manuel M. Barreiro e ilustrado por Marcela Santorun, é unha fermosa metáfora da loita por outro mundo posible, onde triunfe a xustiza, a solidariedade e a conservación da natureza.
¡Sireno, Sireno !

by An Alfaya

10,14€ + 10% CARD

 Partindo da imaxe da esculta de Francisco Leiro situada na Porta do Sol de Vigo a autora crea un mundo de fantasía. "íSireno, Sireno!" é o relato, en primeira persoa, dun neno que acaba de sufri-la perda do pai por mor dun accidente de tráfico e non pode comunicarse coa nai, unha vendedora de enciclopedias, porque ela non é quen de saír do seu illamento. O neno refúxiase nun mundo onírico, no que o debuxo é a única vía de escape, pero só pinta en branco e negro porque vive nun mundo gris; nesa situación. A descuberta do Sireno, unha estatua deforme que se eleva nunha praza da súa cidade, desperta emocións intensas e contradictorias no seu interior. A partir de entón, sofre unha identificación fantasiosa que o axudará a camiñar na procura das cores. En palabras de An Alfaya, a autora, "o Sireno sérvelle ó protagonista de escusa para saír da escuridade na que quedou preso trala morte do pai e descubre nela a beleza do deforme como aposta persoal". Unha fermosa historia, merecedora do Premio Merlín de 1997, que é un reflexo dun alma infantil sensible. Unha historia escrita co corazón, que a autora recomenda lela tamén co corazón, que aposta por afondar nas vivencias e nos sentimentos.
O Escaravello De Ouro E Outros Contos

by Edgar Allan Poe

12,74€ + 10% CARD

 Con sete dos contos máis coñecidos do escritor norteamericano, O escaravello de ouro penetra neses terreos do misterio e das tebras onde Edgar Allan Poe soubo crear maxistralmente unha atmósfera enrarecida e un espírito dominado pola angustia e o terror que tanto caracterizan a súa prosa. Poe, eloxiado por escritores como Baudelaire, foi un amante da beleza e da perfección, e fixo da súa vida un reflexo da súa obra.
Asi Comezou Todo

by Franz Hohler

14,21€ + 10% CARD

 Este libro é unha viaxe de ida e volta en que a través de 34 historias alternas, dous poetas, Jürg Schubiger e Franz Hohler, contan e supoñen historias de cómo foi a creación. Historias sobre a creación: o ceo, a terra, a lúa, as estrelas, os seres humanos, os animais, as cousasà e sobre como comezou todo cando o grande paxaro negro abriu a porta que daba á nada. Cal foi o primeiro invento que realizaron os seres humanos? Cal foi a primeira lingua? Cal a primeira frase completa que pronunciaron? De onde lles veñen os nomes aos animais? De onde vén o frío? Por que os leóns comen carne? Por que o demo é malo? Os autores fan preguntas e encontran respostas, e fano con filosofía, cun ton poético, con seriedade e con moito humor.
Tarzan De Goma

by Ole Lund Kirkegaard

13,20€ + 10% CARD

 Tarzán de goma é a histoia dun rapaz máis ben pequerrecho, esfameado, sen grandes músculos e poida que tampouco especialmente guapo. O seu verdadeiro nome é Iván Olsen aínda que todo o mundo lle chama Tarzán de goma. Como non é moi forte os outros rapaces sempre se meten con el, bótanlle auga nos pantalóns e péchano nos váteres da escola. Na escola Iván apaña malleiras e, na casa, o seu pai apréndelle que un rapaz ten que saber defenderse.
¡Lume!

by Alberto Varela Ferreiro

10,14€ + 10% CARD

 Non hai moito tempo había un bosque vello e fermoso onde vivían moitos animais. Un día algo pasou que fixo ladrar ao canà "Unha lapa esfameada escapou dunha cachelaà e vai cara ao carballo con ganas de facer lume e fume." A nosa paisaxe tamén é parte da nosa identidade. Un libro dedicado á recuperación dos nosos bosques autóctonos.
Laia, A Nena Da Illa

by Anxela Loureiro

10,14€ + 10% CARD

 Laia abriu os ollos e non dubidou en face-lo que lle pedía o seu pai. Pinchou as negras augas do océano e buceou ata esgota-lo aire. Xa na superficie oíu un rebumbio de voces. Distinguía a voz do seu pai ordenándolle que fose cara ás illas. Laia, tras comprender que ninguén a podía axudar, lembrou todas cantas aprendizaxes recibira na súa vida e púxoas ó seu servicio. Viñéronlle ó seu maxín algúns consellos que oíra centos de veces dos seus maiores: " Non te enfrontes ó mar " , " déixate levar. "
O Gaiteiro E O Rato Pérez

by Bernardino Graña

10,14€ + 10% CARD

 Silvino nacera na aldea de Tourán Baixo, o máis pequeno de catro irmáns, nunha familia pobre. Durante anos traballa de canteiro, ó tempo que aprende a toca-la gaita, por iso chámanlle ás veces Silvino o Canteiro e ás veces Silvino o Gaiteiro. Un día ten un accidente e perde unha perna. Cúrano no hospital da cidade, e pasa a convalecencia na casa da súa irmá Helena, que casara cun libreiro. Alí, tras ter un estraño soño unha noite, fai amizade cun rato a quen chama Hi-Hi. Silvino non gusta da vida da cidade e regresa á aldea co rato. O seu gusto polos libros e polas vellas lendas tradicionais parece unha rareza entre os poucos paisanos que aínda quedan na aldea. Tan só el aprecia os saberes que garda na súa memoria o vello Bernardo o Garlucho, e por el sabe das historias dos tardos, e dos mouros, e dos habitantes do mundo subterráneo. Unha noite xeada de decembro, Silvino o gaiteiro e o seu rato están a piques de morrer, perdidos no monte. E daquela entran en contacto cos PERREPÉS, o Pobo dos Ratos Pérez...
Fafarraios

by Gloria Sanchez

10,14€ + 10% CARD

 O fío conductor desta obra son os números -ou fafanúmeros-, que nos levan polos trinta e tres poemas que constitúen este libro. Unha parte desas composicións baséase fundamentalmente no ritmo e na musicalidade; outras pasean personaxes fantásticos, piratas, bruxas, lobos feroces, dragóns ou vampiros, ou recrean contos de reís e princesiñas; outras xogan con crocodilos, abellas, pombas ou galiñas; outras sentan á mesa con obxectos máis cotiáns, como os garfos ou os coitelos; outras, en fin, abordan o consumismo ou a ecoloxía. O conxunto resulta un libro ben construído, que emprega recursos da literatura popular de tradición oral en perfecta simbiose coas técnicas máis actuais, polo que supón unha excelente aproximación á poesía para os primeiros lectores.
Os Mornias

by Lola Gonzalez

10,14€ + 10% CARD

 Os Momias son un grupo de rapaces e rapazas que viven en Fiúncho de Quinín, unha vila coma tantas outras. Un día apareceu diante deles un adolescente loiro vestido con roupas que semellaban sacadas dunha película de época ou un libro de estampas. El mesmo presentouse coma un aprendiz de bruxo e, ante o abraio dos rapaces, fixo unha demostración dos seus saberes cun esconxuro máxico. O resultado do esconxuro resultará se-la causa da aventura máis sorprendente, divertida, e por veces mesmo perigosa, que nunca viviran os Momias.
Brrumm-Brrumm

by Alberto Varela Ferreiro

10,14€ + 10% CARD

 Hai moito, moitísimo tempo, existía un mundo onde os coches eran os donos do mundo. Para que os automóbiles puidesen circular construíron estradas, autoestradas e vías rápidas que cubrían toda a superficie. O planeta enteiro estaba cuberto de asfalto e de coches, e nese mundo vivía Brrumm-Brrumm.
Guía Para Xoves Maniáticos

by Aidan Macfarlane e Ann Mcpherson

14,78€ + 10% CARD

 Quedarei embarazada a primeira vez? Cal é o tamaño medio dun pene? Teño exceso de peso, que podo facer? Se probas un cigarrillo, xa te fas adicto? Como sabes se es gay? Canta cantidade de alcohol é razonable beber nunha festa? Este libro resposta a estas e moitas outras preguntas reais tiradas dos milleiros de e-mails recibidos na páxina web (teenagehealthfreak.org) que manteñen Aidan Macfarlane e Ann McPherson, autores tamén dos best sellers mundiais, traducidos ao galego e publicados dende hai trece anos por Xerais, "O novo diario dun xove maniático" e "Diario da outra maniática". Preguntas e respostas sobre dores de cabeza e de corazón, como medrar e non deprimirse, anorexia e bulimia, hormonas e queixas paternas, sexo e drogas, furados e intimidacións eà, todo o que os adolescentes precisan saber sobre o corpo, o sexo e a vida. Se queres pasar un rato divertido e aprender unha chea de cousas, non o dubides: este é o teu libro.
Raquel Ten Medo

by Agustin Fernández Paz

8,10€ + 10% CARD

 Cada vez que cre ver un monstro, Raquel esperta a súa irmán Tina. Un libro, destinado aos primeiros lectores, ten como obxectivo que os nenos e as nenas melloren o proceso de aprendizaxe da lectura, que adquiran o hábito lector e que, ademais, se divirtan cos libros. Para isto, o conto combinan un dobre nivel de lectura, textual e gráfico, que permite ao novo lector adquirir autonomía a través do texto e das ilustracións. Os textos son breves, xeralmente dunha soa frase en cada páxina, e preséntanse dobremente, en letra manuscrita e en maiúscula, de xeito que os nenos e nenas poden optar pola modalidade na que empezaron a adquirir o proceso lector. As páxinas impares teñen unha ilustración a toda cor, e nas páxinas pares, ademais do texto, hai tamén un debuxo que cobra animación se pasamos as páxinas de corrido.
Bea

by Ivan Sende

10,14€ + 10% CARD

 Bea, aínda que hoxe xa é maior, hai trinta anos tamén era unha nena. E igual que as nenas de hoxe en día sempre quere quedar cinco minutiños máis na cama antes de se erguer para ir á escola. Bea vive cos seus pais e mentres coida das súas irmás, estuda e fai os deberes, rega as plantasà pensa que vai ser de maior: ¿será deportista, bandoleira, astronauta?, pero ten un segredo, hai algo que lle gusta moito facer e co que goza sempre que pode. Ás veces non é doado ser a irmá maior.
Palabras Brancas

by Elvira Riveiro Tobio

9,99€ + 10% CARD

 O poemario PalAbrAs brAncAs de Elvira Riveiro Tobio foi a obra finalista do Premio Merlín de literatura infantil 2007. O texto, construído só coa vocal "a", está ilustrado por Fino Lorenzo. Unha proposta lmoi novidosa que amplía o horizonte da poesía infantil en galego.
Cazaría Salvaxe

by Agustin Agra

14,78€ + 10% CARD

 Wotan, o Demo Negro ou Señor do Inframundo, tiña ollos de lume, o corpo invisíbel ás miradas e unha negrume inescrutábel ocupaba o baleiro que ía deixando. Nas noites de invernía saía de caza, dacabalo, coa compaña dos seus cadelos diabólicos, zugadores de sangue, que perseguían e degoaban canto atopaban. Mais, foi Ricardo Ferreiro, o rapazolo da aldea de Marselle que salvou o pelello por dúas veces, quen foi designado para ser o elixido. Cando regresou ao País do Vento, despois do seu longo exilio na Illa de Dona Escura do Mar Tenebroso, conseguiu cos poderes e artes alí adquiridos acabar con Wotan e pór fin a súa tiranía, que asolaba vilas e aldeas, aínda a custa de pagar un prezo altísimo por semellante afouteza. Novela de terror, misterio, bruxaría e fantasía, enfiada coa prosa primorosa das narracións populares dos vellos violinistas, Cazaría salvaxe non deixa alento ao lector até a súa derradeira páxina.
Do Outro Lado Do Espello

by Jordi Sierra I Fabra

16,82€ + 10% CARD

free shipping

 Aos seus dezaseis anos, Marisa aínda non sabe o que é o amor. Pide respostas a esa descoñecida que é a súa imaxe no espello. Mirándose sente unha dor invisible que arrinca dende o máis profundo do seu ser. Amalia, a súa mellor amiga; Luís Enrique, o rapaz que lle abre as portas ao mundo do teatro; Chari, a súa irmá e os seus pais son o espello onde as súas dúbidas van resolverse da forma máis inagardada. Jordi Sierra i Fabra, un dos autores máis lidos da literatura xuvenil contemporánea ofrece relato apaixonante sobre o descubrimento da identidade sexual na adolescencia. Con naturalidade e sen tabúes, a experiencia de Marisa ilustra sobre como aceptar e asumir a propia sexualidade para levar unha existencia feliz. Do outro lado do espello obtivo os premios Ramón Muntaner 2003 e Potagonista Jove 2005 ao mellor libro xuvenil en lingua catalana.
A Malvada María Xosé

by Miguel Vázquez Freire

10,14€ + 10% CARD

 María Xosé é unha rapaza de catorce anos que vive na Coruña e estudia nun instituto da cidade. Pesa uns cantos quilos de máis e é moi intelixente. Na súa mesma clase está Viri, outra rapaza da mesma idade, moi afeccionada ás novelas de pandas. Viri monta unha panda, xunto con varios nenos e outras dúas rapazas da clase. María Xosé decide gastarlles unha broma que acabe, dunha vez por todas, coas ganas de aventura que teñen. Failles chegar unha mensaxe anónima que os invita a entrar nun asunto misterioso. Para lle dar máis veracidade ó asunto, únese ós da panda cando estes comezan a investiga-la pista, que empeza nunha casa abandonada. A partir de aquí iníciase unha complexa aventura cun asunto de espionaxe de sistemas informátícos como pano de fondo, onde se suceden tiroteos, carreiras e sustos a esgalla. Toda a historia culmina nas ruínas do Pasatempo, o fermoso monumento de Betanzos, coa oportuna intervención da policía, xusto cando os da panda estaban máis apurados, poñendo así fin a un asunto que, a partir dunha broma de rapaces, rematara por se converter en algo de vital importancia para a orde estratéxíca mundial.
Loading results...

View more results